ЈП ПАРКИНЗИ НА ОПШТИНА ЦЕНТАР

Јавното претпријатие за јавни паркиралишта ПАРКИНЗИ НА ОПШТИНА ЦЕНТАР-Скопје е претпријатие формирано од Општина Центар, со Одлука на Совет на Општина Центар број 07-2625/4 од 18.12.2006 година и Решение за Упис во Централен регистар на Република Македонија од 13.03.2007.

Јавното претпријатие за јавни паркиралишта ПАРКИНИЗИ НА ОПШТИНА ЦЕНТАР-Скопје е правно лице основано со цел организирање, управување, уредување и одржување на јавните паркиралишта на територија на Општина Центар, пред се во насока на ефикасно и квалитетно задоволување на потребите на жителите на Општина Центар и секако решавање на сообраќајниот метеж и проблемот со паркирање во централното градско подрачје . Јавното претпријатие вршејќи ја основната дејност за која е основано, постојано утврдува и изнаоѓа нови и ги усовршува постојните услуги следејќи ги современите европски и светски трендови и практитки на давање на услуги за користење на јавни паркиралишта, притоа реализирајќи ја својата визија да стане водечка компанија и пример во својата дејност

Управување на јавните паркиралишта во Општина Центар

Согласно Одлуката ЗА ОРГАНИЗАЦИЈА И НАЧИН НА НАПЛАТА НА ЈАВНИТЕ ПАРКИРАЛИШТА ОД ЗНАЧЕЊЕ ЗА ОПШТИНА ЦЕНТАР – СКОПЈЕ , Јавните паркиралишта од отворен тип на територијата на Општина Центар се класисифицираат во три паркинг зони утврдени според интензитетот и фреквенцијата на сообраќајот на територија на Општина Центар – Скопје и тоа:

Првата паркинг зона е со ознака ЗОНА О , зона 0 означена со црвена боја.
Втората паркинг зона е со ознака ЗОНА I , зона 1 означена со жолта боја.
Третата паркинг зона е со ознака ЗОНА II , зона 2 означена со зелена боја.

Согласно новите измени во Правилниокот ЗА КОРИСТЕЊЕ НА ЈАВНИТЕ ПАРКИРАЛИШТА ОД ЗНАЧЕЊЕ НА ОПШТИНА ЦЕНТАР-СКОПЈЕ , користењето на јавните паркиралишта од отворен тип е временски ограничено во зависност од паркинг зоната во којашто се наоѓа паркиралиштето и тоа:

Во ЗОНА 0 до 60 минути / 100,оо денари на час
Во ЗОНА 1 до 120 минути / 70,оо денари на час
Во ЗОНА 2 до 120 минути / 60,оо денари на час

Цената на паркинг услугите во паркинг зоните е утврдена согласно со Ценовник на услуги и надоместоци на јавните паркиралишта со наплата.

ДОЗНАЈ ПОВЕЌЕ

Јавно паркиралиште од отворен тип

Паркирањето со наплата е со ограничено времетраење на паркирање. Се класисифицира во 3 (три) паркинг зони утврдени според интензитетот и фреквенцијата на сообраќајот на територија на општина Центар:

*Во опфатот на јавните паркиралишта од отворен тип се утврдуваат и резидентни паркиралишта на станбени блокови, односно резидентни џебови.

ЗОНА 0

СЕКТОР „Јадран Сквер“

ЗОНА I

СЕКТОР „Парк и Соборен Храм“
СЕКТОР „Дебар Маало“
СЕКТОР „Буњаковец“

ЗОНА II

СЕКТОР„Капиштец“
СЕКТОР „Пролет и Маџар Маало“

Јавно паркиралиште од затворен тип

– Контролата на паркирањето се врши со поставен систем на влезно-излезни рампи. Јавни паркиралишта од затворен тип се:

ДОМ НА ГРАДЕЖНИЦИ – ова паркиралиште припаѓа на зона 0I
ТРГОТЕКСТИЛ – ова паркиралиште припаѓа на зона 0I
АУТОМАКЕДОНИЈА – ова паркиралиште припаѓа на зона I
Катна гаража „Судска палата“
Палома Бјанка
Дилајла
Киро Глигоров

Резидентни паркиралишта и улици

- се наменети само за жителите на секторот во кој се наоѓа наведеното паркиралиште или улица.

Визија

Визија на ЈП Паркинзи на Општина Центар е да прерасне во лидер на македонскиот пазар, особено во доменот услуги за јавни паркиралишта на територијата на Општина Центар, да го унапреди и зачува ефикасниот и непречен сообраќај во Општина Центар, односно да стане лидер во заштитата на јавниот интерес и интересот на граѓаните, со цел да им се овозможи на корисниците максимално поволни можности и услови во користењето на услугите.

Мисија

Мисијата на ЈП Паркинзи на Општина Центар е на корисниците да им понуди и обезбеди ефикасни и современи услови на користење на услугите за јавните паркиралишта во согласност со најновите технолошки и развојни трендови во подрачјето на практичната примена на овие трендови, како и да им овозможи еден поразличен и пофлексибилен начин на давање услуги засновани пред се на професионалност и стручност.